WARIGA DEWASA

WARIGA DEWASA
SAKING
SANG HYANG SIWA MANDALA

1. Dewasa Mertha masa, asing tandur rahayu anut ulanlawan tangg =
Kasa, tanggal ping, 10, ( dasa ).
Karo, tanggal ping, 7, ( pitu )
Katiga, tanggal ping, 3, ( pitu )
Kapat, tanggal ping, 15 ( molas)
Kelima, ring tilem.
Kenem, tanggal ping, 8, ( kutus )
Kepitu, tanggal ping, 13, ( telulas )
Kawulu, tanggal ping, 2, ( pinda )
Kesanga, tanggal ping, 6 ( nem )
Kedasa, tanggal ping, 4, ( empat )
Desta, tanggal ping, 5, ( lima )
Sada, tanggal ping, 1 ( pisan )

2. Dewasa Mertha dewa, maka rahayuning dewasa =
Redite tanggal ping, 6 ( enem )
Soma tanggal ping, 7, ( pitu )
Angara tanggal ping, 3, ( telu )
Buda tanggal ping, 2, ( pinda )
Wraspati tanggal ping, 5, ( lima )
Sukra tanggal ping, 6 ( enem )
Saniscara tanggal ping, 4 ( empat )

3. Dewasa sedana yoga maka rahayunikiang dewasa, luwire =
Yan nampi akan jineh medagang, alayar, megawe pepanganan, muang ngewangun sangjepan ( musyawarah ) ika rahayu kabeh.
Redite tanggal ping, 8, ( kutus )
Soma tanggal ping, 3, ( telu )
Angara tanggal ping, 7, ( pitu )
Buda tanggal ping, 2, ( pinda )
Sukra tanggal ping, 6, ( enem )
Saniscara tanggal ping, 5, ( lime )
Piniki manut tanggal anuang pangelong.

4. Rehayuning Dewasa, asing karya rahayu =
Weraspati, tanggal ping, 15, ( molas ) muang tilem, ika ngaran dewasa mentas.
Yan Buda wage, nemu tilem, ireng ngaran asing karya rahayu.
Yan nuju keliwon nemu purnama purna suka ngaran, Ayu nangun Tapa muang Berata.

5. Dewasa Subecara, ngaran, sealaning Dewasa kerapuh dennia =
Yan Weraspati, nuju tanggal ping, 5, ( lima ), subecara ngaran, ayu mayuh sarira, asisig, akeramas, adiyus, atamba, saluwiring lara sarira, ika gawe ayu.
Yan Buda, Sukra, nuju tanggal, 2, ( pinda ) Subacara ngaran
Yan Buda, Weraspati, nuju tangga ping, 6, ( enem ) ngaran, akarya samangkana, pasuahana istri, pesuana ring sang Prabu, amangana sih ring muang perih ayu.
Yan Soma, Buda, nuju tanggal ping, 3, ( telu ) payasan Brahmana Wisya, ngaran, adiyusa, agunting angiweha, wekasan sida, mahayu geraha, mangunting sanak, ika subacara ngaran, iki sami ayu.

6. Yan tanggal ping, 8. ( kutus ) ping, 7, ( pitu ), nuju anggara, Subacara, ngaran, ayu akarya samangkana, amuja ring Yang Ageni, mengakesa umah peraya, amuja pitra, angentasa ring wangatua, kaki muang Buyut, adana-dana, apaksika ngaran.

7. Yan Anggara nuju tanggal ping, 8, ( kutus ), akarya samangkana, angasahin sarwa sangjata, angelaha, sisiya, angilangakena satru abecaruka, iki selokania ; Ageni totranca geranca, Ageni jubi.

8. Dewasa Banyu sekaranti ngarania anut dedawuhan, saluwiraning gawe rahayu =
Redite = dauh, 4, 6, ( empat ) ( enem )
Soma = dauh, 5,7, ( lima ) ( pitu )
Anggara = dauh, 4, ( empat )
Buda = dauh, 3, ( telu )
Weraspati = dauh, 1,6, 3, ( pisan ) ( enem ) ( telu )
Saniscara = dauh 7, ( pitu )

9. Dewasa pelelanusan sasih, yan sira atetanduran ayu tur lanus, muah sasih ngaran =
Sasih = Kdasa, katiga, kalima, kepitu, Kesanga, lanus ring penanggal.
Sane lanus ring pangelong, Karo, kapat, Kenem, Kawulu, Kedasa, Ika, lanus ring pangelong.
Elingakena sang perekosa ring karya.

10. Dewasa ngalih umah manut saasih =
Kasa ayu, kuweh mitra kasih bakti
Karo ala, wirang temahan mati
Katiga, kelangan temahannia
Kapat, ayu werdi palania
Kalima, ayu sugih mas perak muang jiwa
Kenem, ayu kadwungin boga ( doyan puun ) palania
Kawulu, agawe nohan ayu.
Kesanga, ala putek ati amanggih gering
Kedasa, ayu werdi mas perak
Desta - sada, ala temahamia mati.

11. Iki Baya patining panca wara =
Keliwon, baya kidul, p[ati kulon
Umanis, baya lor, pati ring tengah
Pon, baya ring tengah, pati wetan
Wage, baya wetan pati kidul
Iki eling akena, ambah bayane dening lara, yan sira anuwek satru

12. Dewasa ayu alalungan, tan pengaliha dalania nemu ayu sira, elingakena, poma =
Redite, Saniscara, serana, tangeran, anginang, teher lumaku, (mejalan terus) menurut tujuan, mantra : Ong Aditya ya namah, idep betara I Suara.
Soma, serana, teher awangsuh (nyuci) tangan agia lumaku sekarepta.
Mantra : Ong paruk semaya namah, edep betara Ludra rumaksa sira.
Buda, serana amangan gula, teher mengoda-ngoda.
Mantra : Ong Sang Buda yenamah, idep betara Mahadewa rumaksa sira.
Weraspati, serana amagan santen basma kene runuhun.
Mantra : Ong Weraspati ya namah, idep betara Mahesora rumaksa sira.
Sukra, serana amangan sawi (sayuran ) teher sumpangakena
Mantra : Ong Sang Sukra, yenamah idep betara yanca rumaksa sira.
Saniscara, sarana amangan manuk ( daging ayam) atukar rumuhan.
Mantra : Ong Sang Saniscara yenamah idep betara yanca rumaksa sira
Nanging saluwiring dina elingakena aturu sira rumuhun (sedurunge melakane sirep dumun )

13. Dewasa kala menapak, ngaran, asing tandur ayu palania =
Redite, tanggal, 1, ( apisan)
Somo, tanggal, ping, 9 (siya)
Anggara, tanggal, ping, 9 ( siya)
Buda, tanggal, ping, 8 ( kutus)
Weraspati, tanggal, ping, 7 ( pitu )
Sukra, tanggal, ping, 9 ( siya)

14. Dewasa mati uku, ngaran aja ngambah atatanduran ring uku =
Uku Tolu, Dungulan, Kerulut, Menail, Kelau, Dukut.

15. Dewasa Merthamasa ngaran manut ring Saptawara muang purnama =
Redite, purnama, Mertha Buana, ngaran,
Soma, purnama, Mertha Dadi, ngaran.
Anggara, purnama, Mertha Buana, ngaran
Buda, purnama, Mertha Dewa, ngaran
Weraspati , purnama, Mertha Jiwa, ngaran
Sukra, purnama, Mertha Masa, ngaran
Saniscara, purnama, Mertha Pageh, ngaran

16. Dewasa Jiwa menganti, ngaran, asing tandur rahayu =
Weraspati, uku Landep, uku Medangkungan
Sukra, uku Wariga, uku bala
Soma, uku tambir
Saniscara, uku Watugunung

17. Dewasa Ngelayang, ngaran, Dewasa Ayu Woiya, anut ring tanggal muang Saptawara.
Redite, tanggal, ping, 1, 8, ( apisan), (kutus)
Soma, tanggal, ping, 3, (telu)
Anggara, tanggal, ping, 7 ( pitu )
Buda, tanggal ping,2,3, ( pindo ) (telu)
Weraspati, tanggal ping, 4,5, (empat) (lima)
sukra, tanggal ping,6, (enem)
Saniscara, tanggal ping, 5, (lima)
Ayu suka wirya ngaran

18. Dewasa ngewangun Kayangan Dewa, muang merestista ring rat (gumi), muang ring Pitra, manut Sasih muang tanggal =
Sasih kasa, tanggal ping, 10,11, (dasa), (solas)
Sasih Karo, tanggal ping, 5, (lima)
Sasih Ketiga, tanggal ping, 10, (dasa)
Sasih Kapat, tanggal ping, 15, (molas)
Sasih Kenem, tanggal ping, 13 (telulas)
Sasih Kepitu, tanggal ping, 3, (telu)
Sasih, Kewulu, ……………….
Sasih Kenanga, ……………….
Sasih, Kedasa, tanggal ping, 7, (pitu)

19. Dewasa, kundalini, ngaran, rahayu anambut karya =
Aweda, atatanduran ayu
Soma Landep, tanggal ping, 3, ping, 5, ping, 7, ping, 13.
Buda Tolu, tanggal ping, 3, ping, 13, ping, 15.
Soma Warigadian, tanggal ping, 3, ping, 5, ping, 7
Buda Julungwangi, tanggal ping, 2, ping, 3, ping, 5, ping, 13.
Sukra, Langkir, tanggal ping, 1, ping, 6, ping, 13

20. Dewasa Lanusing dina =
Sinta, Weraspati = lanus
Landep, Buda = lanus
Kulantir, Buda = lanus
Tolu, Soma, Sukra = lanus
Gumbreg, Buda = lanus
Wariga, Sukra = lanus
Wrigadian, Weraspati = lanus
Julungwangi, Buda = lanus
Sungsang, soma, Buda = lanus
Dunggulan, Saniscara = lanus
Kuningan, anggara = lanus
Langkir, Weraspati = lanus
Medangsia, Soma = lanus
Pujut, Anggara = lanus
Paang, Soma, Anggara, Weaspati, Sukra = lanus
Kerulut, Soma, Buda, = lanus
Merakih, Buda = lanus
Tambir, Weraspati = lanus
Metal, Saniscara = lanus
Uye, Anggara = lanus
Menail, Buda, Ukra = lanus
Perangbakat, Buda = lanus
Bala, Redite = lanus
Ugu, Buda, Weraspati = lanus
Wayang, weraspati = lanus
Kelau, Soma = lanus
Dukut, Soma = lanus
Watugunung, weraspati, Sukra, Saniscara = lanus

21. Dewasa pelanusan, Uku =
Sinta, Soma = lanus
Landep, Buda, Weraspati = lanus
Ukir, Weraspati, sukra, Saniscara = lanus
Kulantir, Soma, weraspati = lanus
Tolu, Soma, Weraspati, = lanus
Gumbre, Saniscara = lanus
Warigadian, Weraspati = lanus
Julungwangi, Soma, Buda = lanus
Sungsang, Weraspati, Sukra = lanus
Dunggulan, Saniscara = lanus
Kuningan, anggara = lanus
Langkir, Weraspati, Sukra = lanus
Medangsia, Soma, Weraspati = lanus
Pujut, Soma, Buda, Weraspati, Sanicara = lanus
Paang, Sukra,Saniscara = lanus
Kerulut, Soma, = lanus
Merakih, Buda, Weraspati, Saniscara = lanus
Tambir,……………………
Medangkungan, Weraspati = lanus
Metal, Saniscara = lanus
Uye, Soma, Anggara = lanus
Menail, anggara, Weraspati = lanus
Perangbakat, Buda, Saniscara = lanus
Bala, Weraspati, Saniscra = lanus
Ugu, Weraspati, Sukra = lanus
Wayang, Buda = lanus
Kelau, Buda, Weraspati, Sukra = lanus
Dukut, Soma, weraspati = lanus
Watugunung, Redite, Saniscara = lanus

22. Iki Kala - Luang, ngaran =
Sasih, Desta = nagingin, penaringan, ( pulu)
Sasih, Sada, = tan pangowrag umah (nguug)
Sasih, Kasa, = Redite, aja mangubon
Sasih, Karo, = aja mangun umah
Sasih, Ketiga, = aja alalungan
Sasih, Kapat, = aja mangun paon
Sasih, Kelima = aja mangun sanggar
Sasih, Kenem = aja mangun Sangar muang alalungan
Kepitu = aja mangun natar muang amacul

23. Dewasa ngalapin =
Saniscara, Gumbereg.
Saniscara, Dungulan
Saniscara, Paang
Saniscara, Matal
Saniscara, sami Sri kuli-kuli turun
Yan ngalapin, wadone anyi malu, kuwehnia, 54, (seket papat)
Yan suba manyi, depuk sepisan, yan lanange 108, (satus akutus), sapunika kojaring sastra

24. Iki Kajeng rendetan, ngaran =
Weraspati, Pon, Landep
Anggara, Paing, Sungsang
Buda, Poing, Kuningan
Sukra, Paing, Paang
Redite, Umanis, Merakih
Saniscara, Pon, Matal
Buda, Umanis, Perangbakat
Redite, Wage, Wayang
Anggara, Pon, Kelau
Weraspati, Paing, Dukut.
Saniscara, Umanis, Watugunung

25. Iki Kala Durga, setana, ngaran =
Tanggal 1 (apisan) ping 9, (siya), Purwa.
Tanggal ping, 3,( telu) ping, 10, (dasa), Utara
Tanggal ping, 2, (pinda) ping, 11, (solas), genia
Tanggal ping, 4, (Empat) ping, 12, (roras), neriti
Tanggal ping, 5, (lima) ping, 13, (telulas), telulas
Tanggal ping, 6, (enem) ping, 14, (empat belas), Pascina
Tanggal ping, 7, (pitu) Baybina
Tanggal ping, 6, (enem) ping, 8, (kutus), Purwa

26. Pemacekan anut, ulan, ngaran =
Desta, tanggal, 1, (apisan)
Sada, tanggal, 14, (empat belas)
Sada, tanggal, 7, (pitu)
Kasa, tanggal, 7, (pitu)
Karo, tanggal, 6, (enem)
Kelima, tanggal, 10, (dasa)
Kenem, pengelong, 13, (telulas)
Kesanga, pangelong, 7 (pitu)
Kedasa, pangelong, 6 (kenem)
Iki Dewasa ala, anggen karya ayu.

27. Pemacekan anut Saptawara
Redite, tanggal ping, 12, (roras)
Soma, tanggal ping, 11 (solas)
Anggara, tanggal ping, 10 (dasa)
Buda, tanggal ping 9 (Siya)
Weraspati, tanggal ping 8 (kutus)
Sukra, tanggal ping 7 (pitu)
Saniscara, tanggal ping 6 (enem)
Pemacekan agung, ngaran ala nika kabeh, tan dados anggen sekaryanta.

28. Iki dina, titibuwuk, ngaran, sekarya ala, anut uku =
Sinta, ring = anggara
Landep, ring = Buda
Ukir, ring = Sukra
Kulantir, ring = Buda
Tolu, ring = Buda
Gumbreg, ring = Weraspati
Wariga, ring = Anggara
Warigadian, ring = Soma
Julungwangi, ring = Soma
Sungsang, ring = Weraspati
Merakih, ring = Redite
Tambir, ring = Buda
Medangkungan, ring = Soma
Matal, ring = Anggara
Uye, ring = Weraspati
Perangbakat, ring = Weraspati
Bala, ring = Buda
Ugu, ring = Redite
Wayang, ring = Redite
Dukut, ring = Saniscara
Watugunung, ring, Redite

29. Iki dina, tutut masih, ngaran =
Sinta, ring = Weraspati
Julungwangi ring = Soma
Kulantir ring = Soma
Tambir ring = Anggara
Wayang ring = Soma

30. Dina kajeng isian, ngaran =
Buda nuju tanggal 2 (pinda) Buda Wayang, ngawe bubu, kungkungan ayu.

31. Dina kajeng kikipan, ngaran =
Buda wage, ngawe sok ayu.
Soma, Merakih, kala alat = ngawe talin pancing ayu
Anggara dukut, kala bancran, ngawe taji ayu
Sukra Kuningan, kala angin, ngajah patik wenang (ngajah ubuan)
Ring Somane, kala kilang-kilung, ngawe sok ayu.
Redite, Wayang, Sasih Desta - Sada, tanggal ping 5 (lima) menekang toyo ayu.

32. Dewasa, anemuaken (matemuang), ngaran, pati kajarannia, =
Sinta, Landep, Wariga, Warigadian, ring dina = Soma, Weraspati, Sukra, ala ngaran.
Kulantir, Dungulan, Tolu = ring Buda, ala ngaran.

33. Dewasa, anemuaken, wong alaki rabi tan memilihan sasih, ring dina =
Buda, Paing, tanggal ping 5 (lima), Panca Mertha, ngaran, Dina ika, pewarangan, ayu, arang amanggih gering, pala ayu dirgayusa.
Saniscara, Paing, tanggal ping 10 (dasa)
Sada Mertha, ngaran dina ika, pewarangan ayu, arang amanggih gering.
Weraspati, Wage, tanggal 3 (telu), Mertha sedana, ngaran, pala boga kepangguh = Darma Lakinia
Soma, Paing, tanggal ping 11 (solas), palania pada teresna, mapiang, arang amanggih gering, sealaning dina, sealaning sasih, kesapuh denira Sang Hyang Somo, Mertha Wibuh, ngaran meraga Sang Candra rahayu dahat, palania.
Buda, wage, tanggal 1 (apisan) Sukadana, ngaran, anggen pewarangan ayu, Mertha bumi, ngaran dewasa ika, wreping buana sarira, saking panugrahan Sang Hyang Licin, ngaran meraga dina.

34. Iki dewasa ngelayan, ngaran ayu =
Mekarya di Kahyangan, miwah mehayu pitra, merastita wang = : sasih - Serewana, sukla uidasi = ayu
Sasih Badrawada, sukla pancadai muang pancami = ayu
Sasih - Asuji, ring Sukla ring pancasasi = ayu
Sasih - Karsika, ping pancadasi, ngaran, ring
Sukla = ayu
Sasih ring Sukla paksa, pasia ring teriyodasi ngaran margasiran ping teriti ngaran
Palguna, sunia, ngaran
Cetra, udep ngaran
Desta, bolong, ngaran
Sada, nora,ngaran

35. Dewasa, kaperetiwi, luwirnia = mekarya :
Ngawung, malumbang, nembok , amiluku, saluwiring dina wetek pati ngaran, muang kajeng rendetan, ring Dangu, ring Urungan, muang kajeng rendetan, ring dina Soma pon, Buda wage, Anggara keliwon, Sukra Umanis
Kulantir, Medangsia, ikatan wenang ambahin, ala dahat mepuara mati, gering tan pegat, yan sira murug linging sastra iki.

36. Puniki widi Sastra, sakeng paugrahan Sang Hyang Swemandala, ngaran, Sang Hyang Surya, ngaran =
Dewasa Amuja pitra, amuja Hyang ring Sanggah, muang agunting, amahayu geraha, atuku istri, awiwaha (mesakapan) ngaran luwirnia, ring dina: Buda, Wage, tanggal 1 (apisan), marga menga, kawah maineb, pitra loka maineb, amuja pitra rahayu, pala olih suarga, sang kiningkin, manggih dirgayusa sang kari.
Malih ring dina, Sukra Umanis, tanggal ping 12 (roras) amuja pitra kekangsen, ayu mungguwing atma, palania amanggih guna ngaran.
Malih ring dina Weraspati Keliwon, tanggal ping 11 (solas), atiwa-tiwa rahayu, pala ilang letuh sang pitara, amanggih ayu ngaran.
Malih ring Dina, Buda Umanis, tanggal ping 3, (telu) pala werdi linggih sang pitra.

37. Dewasa muja pitra kekansen, ngaran, nyekah ring dina Redite Pon, nuju Guru, Sang dewa pitara, rahayu, ngaran olih papa kelesnia.
Malih ring dina, Redite, nuju guru panileman, Mertha sari, ngaran, dewasa ika ayu, yaning wang nista tan wenang, ngaran.

38. Dewasa pewaranging Trisakti, ngaran turunan Sang Hyang Licin, ngaran, urip peragat, tan amilikin pesasihan, kewala ring tanggal tinut saptawara :
Yan ring dina, Buda paing, tanggal ping 5 (lima), panca mertha, ngaran, ikatan alah wigena, ayu dirgayusa, ngaran.
Yan ring dina, sukra paing, tanggal ping 10 (dasa) dasa mertha ngaran, pala aran amanggih gering.
Yan ring dina, Weraspati wage, tanggal ping 3 (telu) sedana mertha ngaran, boga kepanggih. Yan ring dina, Soma paing, anuju guru, tanggal ping 11 (solas), dirgayusa kepanggih bakti maperiya, arang amanggih gering.
Yan ring dina Buda Pon, tanggal ping10 (dasa), mertha buni, ngaran, iki mertha bumi araning dewasa, ngaran urip buana.

39. Tanggal muang pangelong, tan wenang atiwa-tiwa :
Tanggal 1 (apisan) pangelong, 1 (apisan)
Tanggal ping 6 (enem) pengelong ping 6 (enem)
Tanggal ping 8 (kutus) pangelong ping 8 (kutus)
Tanggal ping 14 (empat belas) pangelong 14 (empat belas).
Catuspata pemanggahan ngaran, ayua murug atiwa-tiwa tan werung amanggih weci, terus tekaning potrakania, muah sakula wandu wargania

40. Gagak anungsang pati, ngaran tan wenang atiwa-tiwa :
Yaning tanggal ping, 9, (sia) ambahin, ala temunta dewang saika, pelania katindihan ngaben banjar, ika abiya dinayang.

41. Dewasa was penganten, auku lawasnya roro, ala dahat, ana murug, bilih-bilih katindihan banjar ika ngaben mitung dinayang, ayua murug, muang gotongan sadina urip, 14 (empat belas), muang semut sadulur urip, 13. Telu (telulas). Yaning murug ila temen.

42. Dewasa ayu, amayuh sarira agunting, metatah, ring dina = : Soma paing, tanggal ping, 5, (lima) panca werti ngaran, palania dirga yusa sang penahayu. Malih ring dina Buda keliwon, tanggal ping 10 (dasa), mertha murti ngaran sariro ngaran.
Malih ring dina ngunting rare, tan kawigenan. Malih ring dina, sukra wage, tanggal ping 10 (dasa), dewasa mepandes ayu, dewa werdi, ngaran, palania dirga ayu, wigena doh lara roga,
Saluwiring weton, purna denia, mangana kojaring sastra.
Malih ring dina, Buda paing Landep, tanggal ping 13 (telulas). Prabu wibuh ngaran, pageh wasa dina ika, dewasa biseka ratu werdi.

43. Iki tutur siwa Mandala, ngaran, Sang Hyang Siwa Mandala, Sang Hyang Surya miwah Candra, ngaran ketama de Sang Sedaka kina-kina, tingkahing wang nista madia utama wangsa, angamet dewasa ayu, ngaran, amering awak, adios, agunting, maperas, wang anggen perti sentana, miwah yan ana dewasa kepanggih, ngaran, ring dina :
Buda umanis parangbakat, nuju sasih katiga, kapat, kalima, tanggal ping, 10, (dasa), ayu dahat, Mertha bumi, ngaran, yan mapogala wak bajra, ngaran dewasa ika, palania manggih dirga yusa, arang amanggih gering, maperas muang meneking awak, jaya suka werdi.

44. Malih yan ring dina Soma umanis, wara Tolu, nuju sasih kelima, tanggal, 13, (telulas), mertha sari, ngaran, dewasa ika, ayu mekarya disanggah, kalania dewa asih, betara marep, maweweh buktinia.

45. Malih yan ring dina, saluwiring Buda wage, tanggal ping, 5, (lima), sasih kelima, werdi guna, ngaran dewasa ika, pala amanggih lewih guna.
46. Malih ring dina, Weraspati wage, tanggal ping, 5, (lima) sasih kasa, dewasa ika arang amanggih gering.

47. Malih ring dina Buda paing, saluwiring anemu guru, sasih kedasa, wibuh merti, ngaran, dewasa ika, pala maweweh suka werdi, yan mahayu wang rare, angerebah keresna, sukla tujunen tuten.

48. Iki dewasa pagehbumi, ngaran newanang anggon pawerti kara oton, abiseka ratu, ngulihin kedatuan, rahayu pala dirga yusa, werdi guna, bala kuat terepti matuam, suka sada, ngaran anuju dina = Buda paing triyodasi ika ngaran pageh bumi.

49. Malih ring dina Buda wage, tanggal ping 7, (pitu) ping, 10 (dasa) dewasa mahayu rare, ngaran, pala panjang yusaning rare, arang amanggih gering.

50. Malih ring dina Buda pon, saluwiring tanggal ping 7, (pitu) ping, 10 (dasa) werdi suka ngaran, amuja Hyang ayu pala suka sarwa dewa. Meweh dirga yusa sang mekarya.

51. Malih ring dina soma wage, anuju guru tanggal ping, 5, (lima) , werdi bakti ngaran dewasa ika anggen amuja Hyang ayu ngaran, pala Iri Sih sedaka.

52. Malih ring dina Soma wage, tanggal ping, 1, (apisan ) angamet istri rahayu ngaran.

53. Malih ring dina Sukra Umanis, tanggal ping, 5, 15, (lima), (limolas), werdi guna, ngaran mekarya di sanggah rahayu, pala dewata suka purna.

54. Malih ring din Buda paing, tanggal ping, 3, (telu) mengawe umah ayu, ngaran pala adoh ikang gering merana.

55. Malih ring dina Saniscara, tanggal ping, 3, (telu) pager wesi ngaran, dina ika, nasarin tembok ayu.

56. Malih ring dina Buda keliwon, tanggal, 1, (apisan) mertha dewa ngaran mekarya disanggah ayu.

57. Malih ring dina, Weraspati wage, tanggal ping, 7, (pitu) teka ikang dina, mekarya disanggah, mahayu kerta werdi ngaran.

58. Ling Sang Hyang Suwamendala mungguwing sastra Sang kerama pandita, nugraha dewasa ring wang, ana betara siwa sih, dina ayu ane munia, ala kelawan ayu, muah alaning uku nyala wedi, ngaran luwirnia =
Sinta, Landep, Gumbreg, Medangkungan, Sungsang, Dunggulan, Paang, Perangbakat, Bala, Wayang, Watugunung, ala dahat, tan wenang ambah ngewangun karya, amuja Hyang, mahayu sarira, anggawe geraha, atiwa-tiwa, narpana pitra, patemohan amuja rare, agunting, pala wigena mageng, alpayusa, palania gering kedadak mati, yan amuja Hyang maweweh duka angadakang gering tumpur, wedya saji kecampuran lemeh, dening kingkara buta, dening dina papupulaning letuh.
Yan ngewangun kayangan kaumahan bahan kala, tan pegat amanggih baya.
Yan madudusan tirta mertha, dadi wisia
Kewenang sudanen, luwirnia =
Uku landep, kuningan, perangbakat, wayang, pada alania ring uku tan peguru ngaran.

59. Dewasa aniwak wangke, ayu suarga menge, luwirnia ring uku mungguh saptawara =
Julungwangi, landep, kerulut, Dukut, Warigadian, Perangbakat, ring Redite, tanggal ping, 1, (apisan), ping, 6, (enem), ping, 8, (kutus) temurun Sang Hyang Widi, Sang Hyang Tunggal angiderin buana agung, angereka, betara, catur wisesa, ana betara angadakang dina ala ayuning tanggal pangelong,pada nemu ala ayu, uku muang sasih, uriping Sang Hyang Eruyokdasi, tan keneng aja panulah dening betara kabeh, pada sumusup ring dina, ne ayu, mala pada ala, yan sira mati, ala patine kasupat dening betara, muang kala, ala patine kasupat dening betara, muang kala, buta kabeh, marganing wong mulih maring sawargan, maweh sira dina nemu ayu, suka sugih wekasan, Sang Hyang atma kena sihaning dewa dina ayu temunia, dina ala temunia.

60. Malih yaning mangeseng sawa, ring tanggal, ping, 11 (solas), ping, 13 (telulas), kesakitan de betara kala, jangkep, pegawene sang mati, ayu marganw wang mati, dina ayu dauh ayu, suka sagih, pitarane gelis manumadi, maring tunggak nia suka ngaran.

61. Yaning patut margane mangeseng, atek nemu ayu duk ringdina wara ukir, anggara pon tanggal ping, 11, (solas), ayu, betara nampi, atmane, pada suka ngaran.

62. Malih yan mageseng ring dina soma paing tanggal ping, 2, (pindo) warigadian, siwa murti, ngaran nampi atmane, ngaran ayu asih beraya.

63. Malih yan mageseng ring dina, sukra wage, wara kuningan, pangelong ping, 13, (telulas), ayu betara nampi atmane, ngaran ayu asih beraya.

64. Malih yan mageseng ring dina, Weraspati umanis wara sinta, tanggal ping, 4, (empat), ayu betara Siwa nampi atmane, suka sugih amitua ayu ngaran.

65. Malih yan mageseng ring dina, Sukra Umanis, wara merakih, tanggal ping, 8, (kutus), ayu betara ……

66. Malih yan mageseng ring dina, Sukra paing, wara matal, tanggal ping, 11, (solas), ayu betara Siwa, Peramasiwa namping atmane ayu suka sidi ngaran.

67. Malih yan mageseng ring dina, Waraspati pon, wara pangelong ping, 7, (pitu), ayu betara sinuhun namping atmane, ayu idep ayu ngaran.

68. Malih yan mageseng ring dina, Soma Pon, wara ungu, tanggal ping 5, (lima), betara sinuhun namping atmane, ayu idep ayu ngaran.

69. Malih yan mageseng ring dina, Waraspati keliwon wara Kelayu, tanggal, ning, 3. (telu), ayu betara, Siwa namping atmane, suka sugih pada ndah ngaran.

70. Malih yan mageseng ring dina, soma wage, wara dukut, tanggal ping, 11, (solas), ayu betara, betara Siwa namping Atmane, ayu suka munyi yan manumadi pada ngeraksa sastra, pacang ngelingan margane mati, maring tunggake, duk mengeseng ring dina suka sugih, mulih ring dina suka sugih, dudu dina malih ala, puniki dewasa, mungguwing dina suka sugih, ling Sang Hyang Suwemandala.

71. Ling (bawos) Sang Hyang Suwemandala, yanana wang tani karwan dilaku, ngelaku lampahing dina, dening tanggal, alah dening asih, sasih alah dening dauh. Dauhngaran Sang Hyang Troyodaksi, sira sira sakti wisesa, yan anemu dauh suka sugih ayu pisan.
Yan anemu tan pedauh ala dahat salwiring mahayu, mesabda maidep, eda maselselan ring awak lacur apan widi nurunan dedauhan
Ana wewatekan suka sugih, dauh ana paksa ring wewatekan, ika tatsin malu, yan sampun anut ring dauh, margine yadin tan pecaru, ala temunia dadi anemu ayu, sakti wisesa, ngaran ewa sih, manusa sih, widi welas asih, watek rajah, kerta ika ngaba dauh, panginep dauh, yaning pangineng palih, Sang Hyang Atmra, pupug, dening, carunin, kerta ayu patut patemune,
Mati runya, pa,ka, ngunye, ka, pe, ngunye, pe, su, ngunye, su.
Amusti ayu, yaning nora weruh ring linggih ning widi, ring awak sariranta, muang betara betara dewa, kala manusa, buta wenastuning, muang betara dewa, kala manusa, buta wenastuning widi, betara manusa memastu, kabeh pda wenastuning widi, betara manusa memastu, kabeh pada katemah, mandi guna mandi, manusa aweh dina nora weruh katemah, penyarang bumi katemah, dalang nora weruh penyarang sabda idep, nemu kaputu buyut, mamiroga, baberos tompel, suri suri, nora jangkep pangan kinum.

72. Dewasa anemuaken, ngaran, pati kajarnia =
Sinta, Landep, Wariga, Warigadian, ring soma, Weraspati, Sukra, ala.
Kulantar, Tolu, Dunggulan, ring buda ala ngaran

73. Muah yan ana wong mesangih, muah matemuang lare, mekarya muah ngubakti ring sanggah, muang ring kayangan agung, pemargine ayu, betara Siwa nampi subaktine, ngaran, saluwire nemu ayu, retekaning dina saniscara paing, wara wariga dian, atnggal ping 2, (pindo) temunia ayu.

74. Dewasa ala ayuning sasih, yania makuh umah, muang melapasin, yania akarya ayu, muang pewarangan, ngaran sekaryane tatasakena ayu, ala ayuning sasih =
Sasih, kasa, ayu rendah tigehan, kadang pada asih, ayunia turun tuwuh ngaran, sampun liwar dadi was, tur kerana ala wekasan.
Sasih, karo, dana dibiya yusa,ngaran separania nemu sata, anging lara putra, meh ngidih ika kakerangan, yan sanding ttiwas mayus.
Sasih Kapat, suka dana werdi putra laba ngaran setata tis, tur ayu, astiti bakti makurenan, pada atian, pada nemu darma ayu.
Sasih, Ketiga, ala corah kajarnia, kena sotan ati, demasah, ala dahat ngaran.
Sasih kelima, nemu boga bukti, tinggen sapekara, angin makurenan kuat keren bangga, matukar tan kasaran, ngaran.
Sasih kenem, nemu boga bukti tinggen saparakaning sekaya, ala makurenan, buat tukar bangga, matukar tan kasoran, neraka ngaran.
Sasih kapitu, gering angelayung tur katunuan, (puun) ala dahat ngaran.
Sasih Kesange, gering tanpegat tur tan sedana, ala dahat.
Sasih kedasa, sang perabu peradnyan bayu putradana, tur rendah karma nemu uma, bukti matukar satibaning laku, tur corah laba ngaran.

75. Iki Pelakuaning dasaksara, ring Saniscara, kelisor sungan tilem, ika dadahatala, tan yogia ambahin yania murug, durung abulan metandangkojaran nia. =
Yan nemu tanggal apisan, pangutangan ala dahat, babatang setra ngaran, babatn apit setra ngaran, ika tan wenang ambahin, palania amangih suarga sang pitara ika muang angelangkar gunung, teken lenuku, angelangkar watangan ngaran, ala dahat, tunggal kadi ringarep ngaran, yania, ika enang marginin mabersih, ayu temunia ngaran.

76. Iki kaweruhakena bayu ring buananta yan sira weruh ring genah pancawarnane ngaran =
Umanis ring dada
Paing ring bantengan
Pon ring nabi (pungsed)
Keliwon ring Siwaduara.

77. Malih genah Sang Hyang Sadwara, ngaran =
Tungleh ring = wetis
Ariang ring = tangan
Urukung ring = gigir
Pandiron ring = rupa
Was ring = tinggal
Maulu ring = muka

78. Malih Sang Hyang Triwara, ngaran =
Dora ring = Cangkem
Waya ring = muka
Biyantara ring = tangan

79. Iki uriping aksara, ngaran tekeng busanannia =
A, urip = 4
Na, urip = 2
Ca, urip = 6
Ra, urip = 8
Ka, urip = 2
Da, urip = 7
Ta, urip = 5
Sa, urip = 10
Wa, urip = 3
Ma, urip = 3
Ga, urip = 6
Ba, urip = 2
Nga, urip = 6
Pa, urip = 6
Ja, urip = 3
Ya, urip = 6
Nya, urip = 6
Taleng, urip = 1
Ulu, urip = 14
Cecek, urip = 4
Tedong, urip = 7
Surang, urip = 12
Rere, urip = 5
Gunung, urip = 9
Suku kembung, urip = 8
Bisah urip = 3
Carik, urip = 7
Pamada, urip = 7

80. Iki dina katemah ngaran, ala dahat, yan sira aperang adewasa iki, katemah antuk betara kabeh, iki luwirnia =
Uku sinta ring = Soma
Uku landep ring = Soma
Uku ukir rinr = Anggara Weraspati, Sukra, Seniscara.
Uku kulantir ring = Soma, Buda.
Uku Tolu ring = Soma, Buda, Weraspati, Sukra
Uku gambreg ring = Soma
Uku julungwangi ring = Soma, Sukra
Uku Sungsang ring = Anggara, Weraspati
Uku dungulan ring = Buda.
Uku Kuningan ring = Anggara Weraspati
Uku Medangsia ring = Redite, Saniscara
Uku Pujut ring = Redite, Saniscara
Uku paang ring = soma, Sukra
Uku kerulut ring = Soma, Weraspati.
Uku merakih ring = Anggara, Weraspati
Uku tambir ring = Anggara, Weraspati.
Uku Medangkungan ring = Anggara, Sukra.
Uku menail ring = Soma, Sukra.
Uku Kelawu ring = Redite, Saniscara
Uku dukut ring = redite, saniscara
Uku watugunung ring = Soma, Sukra
Elingakena aja murug, ucaping sastra iki.

81. Iki pemari sudaan, alaning watek mewaran muang tanggal pengelong, uku, kala, sasih, dagdig kerana, anggen dewasa, saluwiring gawe, atetia wong pejah, anan pemarisudaan caru ika, luwire =
Caru itik putih jambul maguling, tumpeng adanan, magenah ring sanggar tutuan, muang tumpengbang 9, bungkul mewadah sesayut, metapakan senden anyar, merajah Brahma Geni, iwaknia ayam biying luh muani, raka-raka sarwa bang, banten ika magenah amben sanggar tutuane, suci asoroh dena genep, iwak bawi akarang, bakaran matah, getih panjang sajeng rateng. Iki sesapania, mantra :
Pukulun Sang Hyang Merthu kunda, sira meraga pangesengan, sarwa jagat, wehan manusa rahayu ngewangun karya, iki bukti sajinira, teduh kadi Sang Hyang Mertha, amanggih ayu, dirgayusa, sanga ngamong gawe, ong seriya we nama suaha.

82. Yan meyama, guru, kala, anggen dewasa, atiwa-tiwa iki pamurniana :
Nasi sokan, iwak karangan, bakaran matah, getih merajang,sajeng aguci, arta700, (pitungatus), upekaa ika duang Brahma asoroh, palania paripurna sealaning dina denia.
Kekudangania iki, mantra :
Pulun Sang Hyang Licin, manusa pada betara, asung nugeraha dirga yusa, tan ketaman upadarwa, de Sang Hyang Kala, de betara Guru reka, iki buktiani watek kala, riwus sira amukti, anggarana urip waras, Ong seri winama suaha.

83. Yan Sang Sedaka arip mamurug, kala gotongan muan semut sadulur, labaan iki :
Caru iwak bawi karangan,suci asoroh, tunjungan, sajeng berem, muang iwak matah daging jajeron bawi, daksina abesik, artania, 7,700, (pitung tali pitung atus), bantenan ring marga pati, ring paberesihane, rawuhing patiwantinan nyane, rahayu palania sangaderuwe karya.

84. Yan nemu catus pata pemanggahan, iki carunia iki luwire :
Itik belang kinelet, dagingnia ingolah, jatah limang katih dadi limang tanding, sangkui lima, daksina abesik, beras aceeng, artania, 9.900, (sia tali sanga), sege limang sangkuwi, genahe acaru ring paturon pangutangan. Mantra : Ong nini betara Kala kaki Rappati iki bukti sajinira, aja nyengkalaning, sanganiwakaken sawa, ring dina iki, wehan manggih dirgayusa, tumut tekanin paperanantikanira, amanggih sadia rahayu, Ong Sri yanama suaha.

85. Iki tingkah banjar nggawe seme, wates pejabangan, saluwiring karang anggen sema, wenang mepelapas, ping, 3, (telu), malih batabang merajah, bata-bata ring peretiwi, pendem ring ersania (kaja kangin) ring sema sama, banten suci asoroh, sayut pengambian, peras panyeneng, ajuman makembaran, mangkana upakaraning anggawe sema, asing mati mapendem, kabeda wang desa ika, ring Sang sedaan bangbang, kawarahin tingkahe nanem, tan pekerana tingkahe wang mati, tan napak ring indik, genahe ring betari peritiwi, duka Ibuta bumi, ngawe gering desa ika, tan pegat matine, saluwiring gawene wang ika, kang makerti ring Hyang, sangkalan ring desa, ika tan tulus agawe,dewane piduka, ring sang kerama desa, rusak ikang desa, mati sadulur -dulur, muang panenggerahin buta bumi,muang Sang Hyang Yama, gawenan perani-perana ring setra, amangan-anginun, mangkana keramania.
Malih keramaning wong anggawe sema sama, genah wong mati mapendem, lawan mebasmi, gawenan peripih emas, selaka, tembaga, kuningan, timah, wesi, mewadah cawan putih, kuangen lima, artinia 33, (telung dasa telu), Isuara sira meraga, mahadewa, Wisnu, Siwa, tukupan matantu suku kabeh, wastu kukul dungkul, rep sirep, talu-talu-Ong-Ang-Ang-Wang, pukulun Sang Kala Wisesa, Sang Kala sapuh buana, sangkala mertiyu muang sang Hayang Catur sanak, sira mawak ager.
86. Malih tingkahing wong wawu metanem, gawenan banten paminta ring sedaan bangbang punjungan abesik, canang peras abesik, yanora samangkana, kelar mati kadadak telas.

87. Iki panugrahan, saluwiring, ngalekasang mantra, muang saluwiring ngerajah, serana toya sugiang, raupang pada ping telu, inum pada ping telu =
Mantra : Ong Ang Sang Hyang Siwa ring bayu,
Sada Siwa ring idep
Pramasiwa ring sabda,
Sang siwa masarira kabeh
Ong yang siwa lingga ya nama, Ang ucapan ping siya (Ang- Ang- Ang- Ang- Ang- Ang- Ang- Ang- Ang-. Telas )

88. Iki panugrahan, ida Sang Hyang Prajapati, ring saluwiring tukang-tukang kabeh, buat saluning wong pejah.
Raris Ida Sang Hyang Perajapati, mugeraha ring saluwiring tukang-tukang kabeh punika buat saluning wong pejah ngaran, buat memuan merupa-rupa kabeh, saluwiring gawe, teka wenang tan kena mamigenanin, Ong Avigena mastu ya namah, Ang Ah,jeng, telas. Serana toya putra, sekar putih, wija kuning, wus minantra, inem ping telu, raupang ping telu.

89. Iki tingkahing ngawe saluning wong pejah, sukuning gunung meliawan, dadi pedemaning wong pejah.
Gunung ngaran = maguna
Awan ngaran = malina
Awan ngaran = wana
Gunung maliawan, yan ring sarira, ika peparune ngaran, linggan Sang Atma punika, cet maring wetan, cet maring kidul, cet maring kulon, cet maring lor, cet maring genian, cet maring nariti, cet maring baya-biya, cet maringersania, cet maring madia, cet maring damar kurung, cet maring angenan, cet maring puspa nalum, punika sedeng kawuruhakena, denta dadi tukang-tukangning wadah wong pejah, ngaran, yan sampun sira wus wuruh,

90. Mantran ngawug wadah mantra :
Ong anyeleg giri maliawan teka bener terus poh jeng.

91. Iki mantraning, sekerura :
Ong naga mawilet, giri benerin akasa, teka pada maguna siah,

92. Iki mantraning sara suati, ananggapin sekerurare punanu, pemanjinge suang-suang, bener-bener, mulih suarganta ring betara Siwa.

93. Surating pemau muang badusa :
Mantra : molongin pemau muang badusa :
Ong akasa terusing peretiwi, Ong Ang siah tuju kali ucap, jeng telas.

94. Surating sarwa upakara =:
Lante : Pasang jati : Angenan : Tetapong
: : :
: : :
: : :
: : :

Kelambi
O
O
O
O
O
O
O

95. Mantra nyangget palih wadah, ngaran, =
Ong aku angawe terang gana, terang gana angawe aku, teke terang-terang-terang jeng.

96. Pangurip, saluwiring ginawe wewangunan =:
Mantra : Ih Sang Hyang Indra angereka, saluwiring ginawe rerajahan, Ong-Ang-Mang, Brahma-Wisnu-Isuara-Angadakaken- bayu, sabda, idep, siwa, sadasiwa-Pramasiwa,angariaken saluwiring ginawe, dumanis caya neyaya, AH urip-urip-urip, cayane sarwa menangun, donira teka urip, waluya wisesa yanamah suaha.

97. Ngemating gagulak, buat wadah = :
Mantra : Ong lingga, masiah apadang tiga kali ucap, raris sepeg ping telu, lung-lung akena gagulak ika.

98. Malih mantra pangurip muang melapasin =:
Mantra : Ong yang Perama wisesa, siwa, sadasiwa Pramawisesa, anguripaken sarwa tumuuh anguripakena buana kabeh, purwa genian daksina-nariti-pancima-wayabiy-ersaniya-madia-sor-luhur, pada kaurip denira Sang Hyang Pramawisesa, mapupul dadi sawiji, matemahan Sang Hyang ayu nara wati, aseri bagia namah suaha. Serana, toya anyar, samsam wija kuning siratin toyane pada ping pitu. Telas.

99. Iki pemelapas bale muang sanggar = :
Mantra : ih betara sakeng majapahit, betara sakeng gunung agung, miwah betara saking dalem, miwah betara saking puseh, muah betarqa daking gunung lebah, sedaan penyarikan, tureksa jajeneng manusanira, anunas toya pemelapas, apang sampun amigeranin, ring sanga seruwe pepayonan, Ong ngadeg sakeng purwa betara I suara, dewatania, angadeg sira ring genian betara Mahesora dewalania, angadeg sira ring daksina betara Brahma dewatania, angadeg sira ring daksina betara Brahma dewatania, angadeg sira ring nariti betara Sudra dewatania, angadeg sira ring pancima betara Mahadewa dewatania, angadeg sira ring baya, betara Sangkara dewatania, angadeg sira ring Utara betara Wisnu dewatania, angadeg sira ring ersania betara sambu dewatania, angadeg sira ring tengah betara Siwa dewatania, ong suku pinaka pancerda, sunduk pinaka akahda, adegan pinaka punyanda, raab pinaka daunda, iga-iga pinaka katik donda, tugeh pinaka muncukda, dadeleg pinaka sarinda, ika ta uriping taru- taru- taru-, teri-teri ong siana kaleka-lekana, Ong, Ong dewa ring sunia, ongn manusa ring suniam ong tuju teluh maring sunia, ong ya A ya I, ong taya.

100. Iki pamejah gagulak, bale muang sanggah =:
Mantra : Ong lingga mulih maring taru gagas, mulih maring buku, ramia enak teka urip-urip-urip.

101. Iki mantran caru, sakaluwiring caru iki wenang anggen nganteban = : semaya, masannya kalania, anambet aninggul, anyarak, sanga kon-kon manah, iku ta buktinira, Ong buktiantu durga ketara, buktiantu kala mewaca, buktiantu sarwa bunem, buktiantu pisaca mangwa, ulun angaturaken, menawita asing kirang, asing luput agung pamalakun ulun, yana kedik atura ulun, agung rena pamalkun ulun, Ong Sang tabiya nama suwaya.

102. Iki pameralinanin caru, yan tan perlina kena caru ika, nora sida gawenia, apan kari buta kalane ngerusuh, yan sampun perelina kena saluwiring karya suasta denia, yan wus ngantebang caru, saluwiring caru perelina kena.
Iki perelinania mantra :
Ong Sang Hyang Purusangkara, sira guruning buta kabeh, wangsulakena, aduha kalanira sami-sami, mahlukakena ring dangka kayanganira sung-suang, Ong Sangkara ya namah suaha.

103. Penganteb, perascita = :
a. mantra : Ong I Ba-Sa-Ta-Ha-, sarwa mala perasya namah, lara roga perayascita ya namah.
b. Ong-Sa-BA-Ta-Ha-I sarwa papa petaka, lara roga wigena perascita yanamah.
c. Ong-Ha-Ta-Sa-Ba-I-Wa-Si-Na-Ma-Ya, sarwa kelesa, dasa mageleh pata leteh perayascita ya namu namah suaha.

104. Sarwa penganteb sane singkat =:
a. Peras, mantra = : Png panca ware, sarwa peras-peras, ya nama suaha Ong-Ung-Mang
b. Suci mantra = : Ong suci rua sucir wapi, sarwa kama gata piwa cindayet dewa wiseranam sabahya biantra suci.
c. Lis mantra = : Onmg namo dewa ya namah, Brahma bayu lara roga bawantu sang malislis.
d. Pengambiyan =: Ong sidi rastu ya namah suaha.

105. Pebangkit muang gelar sanga =:
a. Ong durga bucari namah suaha
b. Ong kala bucari namah suaha
c. Ong Buta bucari namah suaha
Sang-Bang-Tang-Ang-Ing-, Nang-Mang-Sing-Wang-Yang, Ang-Ung-Mang namah.
Mantra : Ong lingga mulih maring taru gagas, mulih maring buku, ramia enak teka urip-urip-urip.

106. Pabuktian, bebangkit muang gelarsanga =:
a. Ong buktiantu durga ketara
b. Buktiantu kala mewaca
c. Buktiantu pisaca sanggiem
d. Ong rih kecarik caruke robya namah suaha.

107. Pengaksama = :
Mantra : Ong kesama suamam mahadewa, sarwa perani hitangkarah na moce sarwa pape biyah bala siya namo namah suaha.
Ong samastata mahadewi berawi pereta baksini bagawata tua siya sekalam niskalam, tuam rudratam, sonia daryate siya watua durga buta wateye ya namo namah.

108. Sesayut, pengambian = :
Mantra : Ong nara Wisnu rici nyiah, rasat Brahma perakirtitah, muktah yeta namah Ang-Ung-Mang.

109. Gelarsanga = :
Mantra : Ih angga buta, pada buta, mastaka buta, tuktuk buta, sira pada buta kabeh, iki tadah sajinira, sajin gelar sanga, segeh karangan, antiga siya, iwak lembat matah rateng, pada enak mamukti sari, lah poma-poma, jeng.

110. Iki mantraning wong utama metatah = :
Surat, ring selagan alis, antuk bungkung mas masoca mirah.
Ring selagam alis kaya iki =
Ring untuk pengapit tengan =
Ring untu penyakit kiea =
Ring untu arep luur =
Ring untu arep sor =
Ring dada =
Ring nabi (pungsed)=
Ring lidah =
Ring pupu kalih =

111. Mantran kikir =:
Ong Sang perigi manik, aja sira geger lunga, antinen kakangira seri kenaka, teka kekeh paguh-pauh-paguh.

112. Mantran tatah = :
Ong lunga ayu teka ayu, tiga kali ucap.

113. Mantran penawar untu = :
Ong upas lajo lawar, Sang Hyang perigi manik matep ring lambenmu sianu, teka pageh ratep, kekeng-kekeng-kekeng.
Mungguwing pengertian, bungkung emase masoca mirah, anggen nyurat muang ngerajah, anggen ngilap gigi.
Ngawit saluwiring ngerajah, bungkunge, mantrain dumun wiadhin japain, meserana toya anyar, sugiang ping telu, inum ping telu wus punika mantra: Ong-Ang Siwa ring bayu, sadasiwa ring udep, Perama siwa ring sabda, sah masarira siwa kabeh, Ong siwalingga ya namah suaha.
Ang- Ang- Ang- Ang- Ang- Ang- Ang- Ang- Ang- (sembilan kali ucap)
114. Munggah ring lontar kuno deresti,lontar sastra peroktah, tutur Sang Hyang Yama, tan dadosanga motong gigi anak suba mati, wiadin natahin bangke. Indik puniki, mewasta ngeludin bangke ngaran.

115. Pitegas sesajen wiadin banten = :
Banten pengambian = pemanggilan atma (urip)
Banten sambutan = mapakukuh genah atma
Banten janganan = pasuguh nyama catur
Pasuguh mantra =
Kaki siwa gotra, nini siwa gotra, sira angatag sanakira kabeh, saluwirania kabeh, anta, pereta, buta kala dengen, angga pati, banaspati raja muah babu lembana, babu sugian babu kakere, babu abra, muah aselir, imokair, iselabir, imajalair, wetu sira kabeh, aberesih apeningen lawan sanak ira denta rahayu.

116. Rikala ngodalin, Sang Hyang Aji Saraswati = :
Nunastoya ke surya : pukulun Sang Hyang Siwa raditiya, manusanira anyaluk tirtha mahening, Sang Hyang Pustakajati narmada, weda suksema pari purna ya nama. Raris ketisin toyane ring bantene ping pitu (7x) ring lontare (buku) ping telu (3x).
Nganteban banten =: Ong betara saraswati, ulun ngaturaken ring betari Giripati, tan kena ulun sangkut kaon sebel kandas lara roga, temahing upadarwa betara sanga luputa ring ulun, amalaku dirga yusa, aweta urip, Ong Saraswati yenamah suaha, Ong asua nunu ya namah suaha.

117. Nyimpen Ida Betara, ngewaliang budal ring linggih Ida suang-suang =:
Muspa puyung, ring Ida Sang Hyang Widi, para dewa-dewa, betara-betari, ngaturang suksema, mantukang ida mewali kalinggih Ida suang-suang Puja: Ong kesama suamem mahadewa, sarwa perani itangkarah, mamoce sarwa papa biyah, palaya suwasada siwah, kesanta wiyah kayika dosah, kesanta wia wacika mama, kesantawia manah, tat peremadam kesama suamam.
Ong dewa suksema perama cintin ya nama suaha.
Ong,Sast,i Santi, Santi, Ong.

118. Iki surating, perelingganing betara, yan anangun kayangan betara, ring Bali, Wekasing utama, ungguhakena ring peraraining perelingga, iki tuwinia utama, yanora kadi iki, cirinia, nora betara-betara malingga, nora kayangan dewa, dengen ya ngaran bawos empu Kuturan. Muah yania nangun kayangan wenang surat kaya iki, taru cendana wenang anggen pererai, mangkana pewarah Empu Kuturan menggah ring lontar tatua soda siwi kerama.

119. Iki pemancut guna, saluwiring guna, serana saka wenang =:
Ah dadi telaga dadi maurip denira Sang Emopu Peradah, serawuhing kasmalane, sawane kena kaurip, denira metanem sampun maurip, netulang sampun maurip, nering semane enu tulang ambil kegagah, kaurip denira Sang Empu Peradah, sida sidi jati, tuwe sang Brahmana pandita, pangurip sang empu Peradah.
Iki pangurip sang Empu Peradah, ngaran = mantra : Ong Ang Hyang Taya, uriping bayu, sabda, idep, bayu, Sabda uriping Sang Hyang guru. Idep uriping Sang Hyang, Sabda uriping Sang Hyang Guru. Idep uriping Sang Hyang Wisnu, Wisnu meraga damuh, tumiba ring peretiwi angurip urip sarwa maletik, cayanira saurip palinggian Sang Hyang Caya, tekani urip-urip waluya, kai dangu dangu, sidi-sidi wak bajra, Ong kara yastu, Ang-Ong-Ung-Mang, Mang-Ung-Ong-Ang, Ah jeng.
Serana toya japkena, amangan sedah, sedahku betara surya, jambenku Sang Hyang Sesangka, apuhku Sang Hyang Teranggana, aku anyimpenta tatua carita, aji wongkara, Ong Sang Saraswati suda ya namah, Ong-Ang-Ung-Mang perama setia ya namah. Niscaya lingga, ulama iki.

120. Caru patemon, acaru ringtengah kasure rikala wandu, ngaran, serana = nasi duang kepel, taluh dadua, mantra: Ong kala wibuta, nakda yenamah kala wadu suaha.

121. Caru ngulihing umah, yah ngungsi wetan, caru tumpeng putih limang bungkul, iwak ayam putih pinanggang, peras penyeneng, daksina, sodaan, segaan limang tanding, papagan ring pamesuan.

122. Yan mulih kidul (nganginan) caru tumpeng abang, adanan, siap biying pinanggang, peras penyeneng, segeh agung daksina papagan ring pamesuan.

123. Yan mulih utara (ngajanan) caru tumpang ireng, iwak siap ireng pinanggang, peras panyeneng, segeh agung, daksina, papagan ring pamesu.

124. Yan mulih utara (ngajanan) caru tumpeng ireng, iwak siap ireng pinanggang, peras penyeneng, daksina, segeh agung, papagan ring pamesuan.
Sesapan =: pukulun sang kala, sang maya dering dalan agung, iki tadah sajinira, anuhana sianu, wehan rahayu, aja sira nyangkalaning, anyarning kanyinggul, awak sarirane punanu, wehan rahayu urip waras.

125. Iki Sang Hyang Pasupatti = peregolan iki, anggen pangeraksa jiwa, wenang anggen pengisin sabuk. Iki puja mantrania Sang Hyang Pasupati : Ong padiameka.

126. Iki Sang Hyang Ayu narawati, wenang pangeraksa jiwa, wenang isi sabuk, pengasih dewa, manusa, penembahan sarwa wisesa, pasewakan, palania, sakuwehing desti nyewake kojarnia. Iki petania : Ong Yang Sri dadiyem bajia tuwan dewem, perana tanduli Sang jatem mani kuat nanirantarem, sarwa ratna guna ndindiem. Seri dana tasiem sarwa-sarwa rumawa titiem, serisih deperadnya kami kida rang-rang-rang perama dewi namustute, wisuksema wisesa wisesa ya namah. Utama dahat.

127. Iki pengeraksa jiwa, luputing sapegawe ala, wenang anggen isih sabuk putih. Mantra : Ong Sri dewi maha waktrem catur bujem peradnya wiyem suradnyeah, cintamani kurus mertem, Sri Canauli mahadewi.

128. Iki sang Hyang Ulu Wisesa, panulak durjana, isin sabuk, pengeraksa jiwa, tumpur sarwa durjana denia, sakuwehing bancana punah, iti petania =: Ong Ih Balbu lemah, bapa-bapa gambur empu manira ring buwana kabeh, ayu sarira, ayu-ayu-ayu, raksa ingsun apang tepet, Sang Ulu pada jaya ngeraksa sariranku,ah-ah, telas. Utama dahat iki.

129. Iki dedahuan, anut urip, panca wara muang saptawara, depukena uripnia, tiba dauh lima sadina dina wilang sakeng luhur, luwire urip kadi ring sor. 13 : 14 : 15 : 16
sunia : Kesakitan : Sunia : pati
Peta : Pali : Kereta : Peta
Kesakitan : Kereta : Peta : Kesakitan
Pati : Sunia : Kesakitan : Kereta
Kerta : Peta : Pati : Sunia17 : 18 : 7 : 8 Kereta : Sunia : Pati : Sunia
Pati : Kesakitan : Kesakitan : Kesakitan
Sunia : Peta : Sunia : Peta
Kesakitan : Pati : Peta : Pati
Peta : Kereta : Kereta : Kereta
Urip, 17, watek batu = ngebah kayu ayu.
Urip, 18, watek buta= memaling ayu. 9 : 10 : 11 : 12
Kesakitan : Kereta : Peta : Kereta
Pati : Sunia : Kesakitan : Sunia
Kereta : Peta : pati : Peta
Sunia : Kesakitan : Kereta : Kesakitan
Peta : pati : Sunia : Pati

130. Iki pewatekan, ngaran, anut urip sapta wara muang panca wara, iki pilihan =:
Yan watek buta = memaling ayu.
Yan watek suku = ngajah kebo-sampi ayu
Yan watek wong = ayua ngelamar ala
Yan watek gajah = nyuang ubuan ayu
Yan watek batu = ngebah kayu ayu Urip, 8, watek gajah = nyuang ubuan ayu
Urip, 9, watek wong = ayua ngelamar ala
Urip, 10, watek suku = ngajah kebo-sampi ayu
Urip, 11, watek buta = memaling ayu
Urip, 12, watek batu = ngebah kayu ayu
Urip, 13, watek buta = memaling ayu
Urip, 14, watek suku = ngajah kebo-sampi ayu
Urip, 15, watek wong = ayua ngelamar ala
Urip, 16, watek gajah = nyuang ubuan ayu.